Kea "bɛi, ɛɛ pooɛ nyʋ 'a 'kmʋ fai"
113
Ao 'bɛɛ‑ Tʋ "bo 'a 'nynɩ "i.Ao ‑nɩa ɛɛ' dbonʋʋn ɛ ao ‑sɛ 'nynɩ,
ao ‑sa Tʋ "bo 'nynɩ.
2 Dɛ ‑tba' ‑ta ‑ɛ mua nya,
Tʋ "bo 'a 'sʋ 'wlʋ 'nynɩ.
3 Dɛ ‑tba' 'e 'jrʋ 'a 'wlʋɩn',
‑ɛ nynia 'de ɛɛ' ibluɩn',
ao ‑sa Tʋ "bo 'nynɩ.
4 Tʋ "bo nɩɛ 'o 'blʋa ‑wee'‑ "jru kpɔ',
ɛɛ 'nynɩ "bɛi ɛ e jaʋn ‑sii.
5 Nyɔ ‑nɩ 'kmʋ ‑ɔ ‑ke ‑aa Tʋ "bo ‑tee' "i ‑ɛ?
Ɛ "tiɛ 'de "jɛi,
6 ‑wɛe ɛ ja "jri ‑sɔn,
ɛɛ ‑gbʋʋn' ɛ jaʋn ke 'blʋa "kpei i.
7 Nɩa" nyɔ ‑ɔɔ ‑kla" 'blʋʋɔ i ɛ,
ɛmɛ ‑ɛɛ kpɔ "jɛi,
‑ɛɛ ‑sa wɛenyɔ 'de 'kouo "kpei.
8 ‑Wɛe ‑ɛɛ ‑te' ʋʋpʋ‑ ke nyʋ klae" ‑ta ‑due,
‑wɛe ‑ɛɛ ‑nyɩ" ʋʋpʋ‑ 'a ‑nɩ ‑tein 'de ɛɛ' 'cɛ "klu.
9 Ɛmɛ ‑ɛɛ ‑nyɩ" ‑sran ‑sienynɔkpao' ‑gbu",
‑wɛe ʋa ‑gbaan'.
Ao ble, ao 'je Tʋ "bo 'nynɩ ‑sa.